Mga proseso sa isang Psychological Assessment

Mga proseso sa isang Psychological Assessment

Magsagawa ng panayam sa kliyente

Sa unang bahagi ng pagbibigay ng isang Psycological assessment, kinakailangan ng psychologist na makapanyam muna ang kliyente. Dito mag tatanong ang psychologist tungkol sa sarili ng kliyente, kung may mga naiisip ba siya na hindi nakakabuti sa kaniyang kalooban, mga karanasan sa nakaraan at madami pang iba. Ngunit lahat ng ito ay hindi sapilitan at nakadepende padin sa kliyente kung gusto niya ba na pag usapan ang isang partikular na paksa o hindi.

 

Pumili ng angkop na pagsusulit

Sa parte na ito ay gagawa ang psychologist ng isang pagsusulit na sasagutan ng kaniyang kliyente. Ang mga tanong dito ay nakabase sa mga sagot ng kliyente sa kaniyang panayam. Ang mga tanong ay kinukuha sa mga tanong din mismo ng kliyente upang mas malalim na maunawaan ng psychologist ang takbo ng pagiisip ng kaniyang kliyente. Ang paraan ng pagbibigay ng pagsusulit ay naiiba sa bawat tao.

 

Interpretasyon ng mga sagot at marka

Ikatlong bahagi ay ang pagbibigay ng interpretasyon sa sagot at marka ng kliyente. Dito na magkakaroon ng mas malawak na pagunawa ang psychologist sa kaniyang kliyente upang mabigyan ito ng rekomendasyon, kung kailangan ba niya ng mga gamot o kailangan niya pang magpa konsulta ng ilan pang mga beses.

Pagsasama sama ng lahat ng mga nakalap na Impormasyon

Kaugnay ng ikatlong bahagi, ang ikaapat ay ang pagsasama sama ng lahat ng mga impormasyon na nakuha ng psychologist sa kliyente. Hindi lamang sa pagsusulit na ibinigay ngunit kasama na rin ang unang bahagi o ang panayam. Ang lahat ng mga impormasyon na ito ay makakatulong para sa susunod na bahagi.

 

Pagsusulat ng Psychological assessment report

Ikalimang bahagi ay ang pagsusulat ng isang Psychological assessment report. Nilalaman nito ang pangkalahatang impormasyon ng kliyente na magmumula sa kaniyang mga personal na impormasyon kasama ang pangalan, edad, kasarian, at iba pa na hindi maaaring ilabas o ipakita kahit kanino maliban nalang kung mayroong sapat na rason para dito. Kasama din dito ang mga nakalap ng psychologist na mga sagot sa kanyang mga panayam at pagsusulit na ibinigay. Sa madaling salita ito ay parang isang buod na naglalaman ng lahat ng impormasyon tungkol sa kliyente.

 

Pagbibigay ng komento sa kliyente

Huling bahagi ay ang pagbibigay ng komento o feedback sa kliyente sa patapos na parte ng isang Psychological Assessment. Ang kahalagahan nito ay may magkaroon ng kaliwanagan ang kliyente at ang psychologist. Dito ang parte kung saan maaari na magtanong ang kliyente tungkol sa mga bagay na nais niyang itanon o sa mga parte na hindi malinaw para sa kanya. Trabaho naman sa parte na ito ng psychologist na magbigay ng mga positibo at negatibong sagot at mga komento ngunit hindi dapat ito makasasama sa nararamdaman ng kliyente. Kailangan niyang tiyakin na bago lumabas ang kliyente sa klinika ay mas mapabuti ang kalagayan nito kahit kaunting porsyento lamang kaysa mas lalong lumala.